ONM-ABO Adoolessa 25, 2023
Godina Booranaa aanaa Dubuluqii Gandoota aanichaa garaagaraa keessatti waraanni maafiyaa PP fi kaabinoonni aanichaa waliin ta’uun uummata nagaa reebuu fi dararuun gariin ammoo qabanii hidhaatti galchuun midhaa qaamaa fi qorqalbii irraan ga’aa jiru.
Maqaa seelii waraana bilisummmaa Oromoo baleessina jedhuun godina Booranaa aanaa Dubuluq ganda Qarsaa Dambii keessaa namoota nagaa maqaan isaanii Moluu Boruu Guyyoo, Bonayyaa Godaanaa Waariyoo, Kuraa Jaldeessa Alii kan jedhamu barataa qorumsa seensa yuuniveersitii kutaa 12ffaa fudhachuuf qopha’aa ture akkasumas Bulee Waariyoo Boruu fi Jabaa Moluu Liiban qabanii hidhuun murtii tokko malee dararaa jiru.
Itti fufuudhaan ganda Kootii Daadaa irraas Abbaa Huqqaa, Guddooyee Saraa, Tuushii Liiban Abbaa Kulee fi Bullicha Qancooraa kanneen jedhaman mana hidhaa PP kan dabaa fi cubbuun ijaarame akkasumas, kan ilmaan qotee bulaa badii tokko malee itti guuramanitti darbatamanii dararamaa jiraachuu jiraatoottni Arraata Biyyoolessa Oromiyaatti himaniiru.
