ONM-ABO Onkoloolessa 26, 2024
Murni garboomfataa PP gama isaaf danda’ame maraan ilmaan Oromoo irratti hacuuccaa garmalee raawwachaa kan oolu, akka hawaasni wal hin quunnamneef goleewwan Oromiyaa adda addaa keessaaa tajaajiloota qunnamtii adda kutuu itti fufee jira.
Aanaa Ada’aa Bargaa keessaa ergamtoonni bilxiginnaa gandoota akka: Iluu Muxee, Ejeree Nagawoo, Kaaloo, Iluu Daansee fi kanneen biroo hedduu irraa tajaajila qunnamtii bilbilaa fi interneetii erga balleessanii torbee lama guutee jiraachuu maddeen ONM’tti himan.
Aanaa sana keessatti dararaa hamaa uummanni argaa jiru heddummachuun waajjira poolisii aanichaa fi bakkeewwan hedduutti namoonni 963 ol ta’an hidhamanii garmalee dararamaa jiraachuus maddeen itti dabaluun Arraata Biyyoolessa Oromiyaaf eeranii jiru.
