ONM-ABO Amajjii 7, 2025
Murni Bilxiginna gara jabeenya hamaa sabichaaf qaban uummaticha irratti saamicha, dararaa, ajjeechaa suukkanneessaa akkasumas qe’ee fi qabeenya isaa ibiddaan gubuun barbadeessaa turan har’as jabeessanii jiru.
Godina Kaaba Shaggar ona Kuyyuu ganda Darroo Xaaxessaa jedhamu keessatti Amajjii 5, 2025 maqaa hidhata Waraana Bilisummaa Oromoo qabduu fi ilmaanii fi firoottan keessantu miseensa WBO’ti jedhuun mana isaanii, qe’ee fi qabeenya guutuu waliin ibiddaan gubuun jalaa barbadeessaniiru.
Namoonni qe’ee fi qabeenyi isaanii jalaa gubachuun barbaada’e kunneenis:
- Obbo Fiqiruu Mangee fi Abbaa isaanii
- Obbo Mangee Katamaa
kan jedhaman yoo ta’an, akka jiraattonni naannichaa jedhanitti gareen shiftaa mootummaa ofiin jedhu kun irra deddeebiin godinicha keessatti dararaa akkaan ulfaataa yeroo irraa gara yerootti irratti raawwachuun jiruu fi jireenya uummatichaa gadadoo fi kadhattummaaf saaxilaa jiraachuu maddeen ONM’tti himaniiru.
