ONM-ABO Amajjii 16, 2025
Murni yeroodhuma rakkate qofa uummata Oromoo yaadatu Bilxiginnaan loltoota isaa kabajni namummaa maal akka ta’e illee hin beekne kumaatamaan hawaasa nagaatti bobbaasuun afaan qawween doorsisanii saamicha daangaa darbe jiraattota irratti raawwachuu hammeessaniiru.
Amajjii 13, 2025 irraa eegaluun aanaa Jiillee Dhummuuggaa magaalaa Sanbatee keessatti hidhattootni murna Bilxiginnaa poolisoota, raayyaa ittisa Impaayerattii fi milishoota jechuun of waaman waliin ta’uun magaalaa Sanbatee keessatti maqaa gibira manaa jedhuun iddoo dukkaanni takka dhaabbattuuf qarshii 400, yoo kaffalchiisan iddoo mana jireenyaa ammoo qarshii 500-600 afaan qawwee itti qabanii irraa fudhachaa akka jiran maddeen himan.
Jiraattotni akka jedhanitti, hidhattootni sirnichaa kun yoo namoonni hin qabnu jedhanii itti deebisan jiraattota reebsisuu fi hidhuuf jecha namoota 5-6 ta’an loltoota isaanii irraa qofaatti baasuun of boodaan kan oofanii fi lafa meetira 5 yoo qabaatte qarshii 500 gaafatamta lafa meetira 80 qabaannaanis qarshii 800 kaffalta yoo didde ammoo loltoota murna Bilxiginnaa namoota reebuu fi hidhuuf qofaatti baafamaniin reebamna waan ta’eef dirqiin kaffalaa jirras jedhan.
