ONM-ABO Ebla 28, 2025
Aanaa Suudee gandoota akka; Ashmiiraa Wargaanbullaa, Lacee Darrabbaa fi magaalaa Darrabbaa ganda 01 keessatti lukkeeleen sirnichaa oggaa nama fedhiidhaan isaan gargaaree balfamaa sirna Bilxiginnaa suphu dhaban, hawaasa harka qalleeyyii irraa qarshii 2,000-3,000 dirqamaan guuranii nama tokkoof qarshii 30,000 kaffaluun gara leenjii raayyaa ittisa impaayiraattiitti geessaa jiraachuu maddeen Arraata Biyyoolessa Oromiyaatti himanii jiru.
Akka maddeen himanitti, namoonni qarshii gaafataman kana waan kaffalan hin qabnes hidhaatti guuramanii dararamaa jiraachuu dubbatu.
Wayita gara aangootti dhufee kaasee yeroo hundumaa ajandaa waraanaa kalaquu malee sammuun isaa guyyaa tokkoof waa’ee misoomaa fi nageenya lammiilee homaa tokkollee yaadee kan hin beekne Koloneel Abiy Ahimed, yeroo ammaa kana wal waraansa keessaa fi alaan impaayerattii mudachaa jiruun egeree teessuma isaaf sodaa guddaa keessa seenuun goleewwan Oromiyaa cufa keessaa ilmaan hiyyeessaa maallaquma maatii isaanii irraa saamaa jiru faayidaa waanuma xiqqoo dura qabee gowwomsuun gara leenjii waraanaatti guuraa jiraachuun ni beekama.
