ONM-ABO Ebla 29, 2025
Pirezidaantiin Raashiyaa Vilaadmiir Puutiin Wiixata kaleessaa ji’a dhufu Yukireen waliin waraana irratti dhukaasa dhaabuun waggaa 80ffaa injifannoo Gamtaa Sooviyeet fi michoota ishee Waraana Addunyaa Lammaffaa keessatti galmaa’aniif labsaniiru.
Kireemlin akka jettetti dhukaasni dhaabuu sa’aatii 72 jalqaba Caamsaa 8 irraa kaasee hanga dhuma Caamsaa 10tti ni ta’a.
“Yeroo kanaaf tarkaanfiin waraanaa hundi addaan cita. Raashiyaan Yukireenis fakkeenya kana hordofuu qabdi jettee amanti,” jechuun ibsa baaseen beeksiseera.
“Yoo gareen Yukireen cabse, humni waraanaa Raashiyaa deebii gahaa fi bu’a qabeessa ta’e ni kenna.”
Keev battalatti ibsa araara gama tokkoon kenname kanaaf deebii hin laanne.
Ibsi kun kan ba’e Tiraamp torban darbe haleellaa Raashiyaan Keev irratti raawwachuun lubbuu namaa mudateef Puutiiniin erga qeeqee booda.
Waashingitan tarkaanfiin nageenya buusuuf deemtu irra deddeebitee akka dhiistu doorsisaa jiraachuu Rooyiters gabaaseera.
