ONM-ABO Guraandhala 1, 2026
Waraanni murna PP uummata nagaa hirmaannaa siyaasa kamiyyuu hin qabne yakkee ajjeesuu itti fufuun, godina Lixa Wallaggaa aanaa Qondaalaa ganda Gumaa Gaara Arbaa bakka adda Konsaa jedhamutti Amajjii 27, 2026 waraanni murna PP nama maqaan isaa Obbo Daggafaa Tarfaasaa jedhamu nama hawaasa keessa jiraatu keessatti kabajaa fi jaallatamummaa guddaa qabu badii tokko malee yakkanii hawaasa fuula duratti ajjeesuu jiraattotni Arraata Biyyoolessa Oromiyaatti himan.
Akka jiraattotni himanitti, waraanni murna PP gara ganda Gumaa Gaara Arbaatti bobba’uun uummata nagaa irratti yakkoota garaagaraa hammeessaa kan jiran yoo ta’u, Obbo Daggafaa rasaasa itti roobsuun yoo ajjeesan, namoota maqaan isaanii:
- Habiibii fi
- Umar
jedhaman ammoo reebicha ulfaataa qaama laaleessu irratti raawwachuun du’aa fi jireenya gidduutti hambisanii jiraachuu jiraattotni itti dabaluun dubbatu.
Murni Bilxiginnaa uummata nagaa badii tokko malee maqaa garagaara itti moggaasuun yakkee ajjeesuu, hidhuu, saamuu, reebuu fi buqqisuu hojii idilee taasifachuun golee Oromiyaa cufa keessatti gochawwan wal fakkaataa jibbinsaa fi diinummaan guutame dalagaa jiraachuun ni beekama.
