ONM-ABO | Onkoloolessa 17, 2026
Godina Iluu Abbaa Booraa aanaa Daarimuu keessatti waraanni faashistii Abiy Ahimed, jiraattota ukkaamsanii maqaa “isin miseensa WBO’ti” jedhu itti maxxansuun hanga qarshii kuma dhibba lamaatti gaafachaa kan jiran ta’uu maddeen Arraata Biyyoolessa Oromiyaatti himaniiru.
Namoota qarshii gaafataman kennuu dadhaban ammoo ajjeechaa suukkanneessaa irratti raawwachaa jiraachuun ifoomeera.
Haaluma kanaan Onkoloolessa 7, 2026 jiraattota ganda Meexxii Guddaa kan ta’an qonnaan bultoonni maqaan isaanii:
- Taaddalee Yaadataa fi
- Gammachuu Takkaaleny
kanneen jedhaman sirna dhableeyyii loltoota PP’n ajjeefamuu isiniif gabaasnee turuun keenya ni yaadatama.
Jiraattonni maqaan kun itti maxxanuun hiraarfamaa jiran irra jireessan dargaggoota yoo ta’an, isaanis mooraa waraana garboomfataa Bilxiginnaa ganda Haramii keessatti hedduminaan hidhamuun dararaa ulfaataan irra gahaa jiraachuu maddeen dabaluun eeranii jiru.
