ONM-ABO Guraandhala 26, 2024
Bilxiginnaan Jaarmiyaa ABO-WBO maqaa xureessuuf guyyuu humnoota waraanaa ijaaree Oromiyaa keessatti kan bobbaasu, yaadaa fi karoora sirnichaa baruun uummatni Oromoo harkatti haa fashaleessuu iyyuu malee hanga ammaatti gochaan badii sirnichi taasisu itti fufee jira.
Akkuma kanaanis baatilee darban irraa kaasee shiftootni murni PP ijaaree waraana bilisummaa Oromoo fi hawaasa Oromoo walitti buusuuf hojjetan jiraattota baha Shaggar aanaa Adaamaa maallaqa guddaa qarshii 50,000-100,000 gaafachaa jiraachuun beekameera.
Akka jiraattotni ONM dubbise himanitti, humnootni hawaasa dararaa jiran kunneen eenyummaa isaanii guutummaatti dhoksuun, xiyyeeffannoo isaanii maallaqa qofaa irratti murteessuun qarshii gaafatamte galchi yoo hin galchine si ajjeesna jechuun abboota qabeenyaa doorsisaa jiraachuus himu.
