ONM-ABO Ebla 22, 2024
Bilxiginnaan waggoota ja’an darbaniif gaaga’ama ulfaataa uummata keenya irraan ga’aa ture yeroo ammaa jabeessee itti fufuun jiraattota Oromiyaa fi kallattiilee adda addaatti bobba’uun dalagatanii bulan butanii dhabamsiisaa jiraachuutu himama.
Keessattuu yeroo sochiin waraanaa guutuu impaayerattii keessatti babal’atee jirutti jabaatee jiraachuun, uummata nagaa jumlaan ajjeesuu, hidhuu, qe’ee fi qabeenyaa waliin gubuu, manneen gubuun cinattis dirqiin butanii leenjii loltummaatti bobbaasuu irratti argamu.
Akka jiraattonni bulchiinsa magaalaa Finfinnee ONM’tti himanitti, sodaa lolli kutaa Oromiyaa keessatti ta’aa jiru gara handhuura Oromiyaatti babal’ata jedhuun yaaddoo keessa seenanii dargaggoota ukkaamsaa jiru jechuun dubbatu.
Bakkeewwan mana nyaataa, daandii gubbaa akkasumas bakka hojiitii namoonni butamaa akka jiran kan himamu yoo ta’u, bulchiinsa magaalaa Buraayyuu, Boolee Bulbulaa, naannoo Askoo, Sulultaa, Laga-Xaafoo, Galaanii fi kanneen hafan biroo hedduu keessaa butaa akka jiran maddeen Arraata Biyyooleessa Oromiyaatti himaniiru.
