ONM-ABO Eebla 16, 2026
Godina Horroo Guduruu Wallaggaa Aanaa Coomman Guduruu fi Jimmaa Raaree gandoota garaagaraa keessatti Ebla 14, 2026 loltootni Bilxiginnaa uummata nagaa badii tokko malee jumlaan hidhaatti guuranii hiraarsaa jiraachuu maddeen himan.
Akka maddeen himanitti, aanaa Jimmaa Raaree ganda Jaarraaf Shumboo keessaa namoota maqaan isaanii:
- Asheetuu Alamuu,
- Mirreessaa Baqqalaa,
- Balaynesh Fiixee,
- Lammii Darajjee
kanneen jedhaman badii tokko malee jumlaan uukkaamsuun Aanaa Coomman Guduruu Magaalaa Gabateetti hidhanii hiraarsaa jiraachuu maddeen himun. Aanaa Coomman Guduruu ganda Aagaa keessaas nama maqaan ishee Tuunee Yaadataa jedhamtuu fi namoota biroo ammaaf maqaan adda hin baanee hidhaanii hiraarsaa jiraachuu maddeen itti dabaluun Arraata Biyyoolessa Oromiyaatti himanii jiru.
Murni Bilxiginnaa golee Oromiyaa cufa keessatti ilmaan Oromoo yakkuun loltoota isaa itti bobbaasee gochoota suukkaneessoo ta’an irratti raawwachuun qe’ee fi qabeenya isaanii irratti roorroo fi gidiraa gita hin qabneef saaxiluun diinummaa Saba Oromootiif qabu ifatti mul’isaa jiraachuu taatewwan guyyaa guyyaan raawwataman irraa hubachuun ni danda’ama.
