ONM-ABO Muddee 31, 2024
Ministeerri Aadaa Iraan gaazexeessituu Xaaliyaanii Seesiliiyaa Saalaa “seera Rippabiliika Islaamaa cabsite” jechuun to’annoo jala ooluu ishee mirkaneessee jira jechuun dhaabbati oduu IRNA Wiixata kaleessaa gabaaseera.
Gaazexaa Fogliyoo fi dhaabbata poodkaastii miidiyaa Kooraa keessaa kan hojjettu Seesiliyaa Saalaa, dargaggeetti ganna 29 yoo taatu, Muddee 19 Iraan Teeyiraan keessatti hidhamtee akka turte ministeerri haajaa alaa Xaaliyaanii beeksiseera jechuun Rooyiters gabaase.
